Қазақстандық паражүзуші Зүлфия Ғабидуллина Токио қаласында өтіп жатқан Паралимпиада ойындарында 50 метрге еркін жүзуден (S4) финалға өтті, деп хабарлайды Sports.kz сайты.
Спортшы бұл қашықтықты 44.57 секундта жүзіп өтіп, өз стартында төртінші, ал квалификацияның жалпы есебінде сегізінші болып, финалға қатысушылар тізіміне ілікті. Жарыс финалы бүгін Нұр-Сұлтан уақытымен сағат 16:38-де өтеді.
Еске сала кетсек, Зүлфия Ғабидуллина – 2016 жылғы Паралимпиада ойындары мен 2018 жылы өткен Паразиада ойындарының жүз метр қашықтыққа еркін жүзуден өткен жарыстардың алтын жүлдегері.
1234 рет оқылды
