13 қар, 2018 сағат 17:34

Оралда 9 жастағы бала із-түзсіз жоғалып кетті

Оралда ата-анасы мен полицейлер 9 жастағы Ескендір есімді баланы іздеп жатыр. Ол бүгін мектепке кетіп, бірақ білім ордасына сол беті бармаған.

Баланың анасы айтқандай, ол мектепке дайындалып жатып, үйден шығар кезде он екі жарымда әдеттегідей қоңырау шалған, деп хабарлайды Sputnik агенттігі "Мой город" порталына сілтеме жасап.

Алайда, әйелдің айтуынша, бала мектепке бармапты.

"Ол әлетте "Юбилейная" немесе "Урал" аялдамасына дейін жетіп, әрі қарай мектепке (№19) жаяу баратын. Бүгін әдеттегідей 12.28-де маған хабарласып, мектепке бара жатырмын деді. Содан бері көрген жоқпыз. Хабарлассақ, алмайды. Қазір телефоны мүлдем өшіп жатыр", — дейді Ескендірдің анасы.

Оның сөзіне сүйенсек, бұрын-соңды мұндай жағдай болмаған, отбасында айғай-шу жоқ, бала ешқашан сабақтан қалып көрмепті. Ескендірді іздеген кезде "Қазақстан" кинотеатрының жанындағы орындықтан мектепке ұстайтын рюкзагы табылған.

Ер бала қара күрте, басына сұр бас киім киіп, мойнына сұр шарф таққан.

Әйел адам полицияға арыз берді, Ескендірді көрген адам болса, келесі нөмірлерге хабарласуды сұрайды: 8-711-226-4362, 8-705-277-8805, 8-775-135-5257, немесе 102.