Шаңғы жарысынан әйелдер арасында скиатлон бойынша дода аяқталды. Аталған жарыста ел намысын төрт спортшы қорғады, деп хабарлайды "Ұлт ақпарат" Olympic.kz сайтына сілтеме жасап.
Жарыс нәтижесі бойынша қазақстандық Ксения Шалыгина 50.37.7 көрсеткішімен 48-ші орыннан көрінді. Ал, Ангелина Шурыга 49-шы (50.55.3), Валерия Тюленова 51-ші (51.30.8), Надежда Степашкина 58-ші (53.35.3) орынға тұрақтады.
Айта кетерлігі, аталған санат бойынша жарыс жолына барлығы 65 спортшы шықты.
Скиатлондв норвегиялық Тереза Йохауг Олимпиада алтынына ие болды. Ресейлік Наталья Непряева күміспен күптелсе, австриялық Тереза Штадболдер үздік үштікті қорытындылады.
1348 рет оқылды
