Үкіметтің кеңейтілген отырысында Қаржы министрі Бақыт Сұлтанов биыл «Нұрлы жер» мемлекеттік бағдарламасына қанша қаржы бөлінетіндігін айтты, деп хабарлайды Baq.kz тілшісі.
«2017 жылы «Нұрлы жол» мемлекеттік бағдарламасына барлығы 477 млрд теңге бөлу көзделген. Оның ішінде бюджет есебінен 320 млрд теңге, ал «Бәйтерек» холдингі арқылы 157 млрд теңге бөлінеді. Мемлекеттік бағдарламаның бюджеттік бөлігін атқару 99,7 %-ды құрады. Нәтижесінде 16,3 млрд теңге игерілді. Ал 146 млрд теңгеге, яғни жылдық жоспардың 46%-ы көлемінде шарттар жасалды», - деді министр.
Айта кетейік, Ақордада өткен Үкіметтің кеңейтілген отырысында ҚР Президенті Нұрсұлтан Назарбаев жек тұрғын үй құрылысына арналған «Нұрлы жер» бағдарламасын әзірлеуді тапсырған болатын. Оның аясында қазақстандықтарға инженерлік инфрақұрылымды тартқаннан кейін 10 сотық жер беру қарастырылған. Аталған бағдарламаға қазіргі ипотекалық және тұрғын-үй жинақ тетіктері енгізіледі.
2697 рет оқылды
_140_110.webp)
