Атырау облысының әкімі Нұрлан Ноғаев Атырауда былтыр 5 мыңнан астам пәтер салынғанын айтты. Бұл туралы бүгін, 22 ақпанда аймақ басшысының халық алдындағы есеп беруінде белгілі болды.
"Былтыр Атырау облысында 558,6 мың шаршы метр тұрғын үй іске қосылды. Бұл дегеніміз 106 үй немесе 5284 пәтер", - деді Нұрлан Ноғаев.
Оның айтуынша, бұл көрсеткіш тәуелсіздік алғашқы жылынан бері 3,4 есе өскен. Айта кетелік, 1991 жылы облыста салынған үйлердің жалпы ауданы 163 мың шаршы метр болған.
Жиын барысында, Атырауда үй алуға кезекте тұрғандардың саны 100 мыңға жуық екені белгілі болды. Ноғаев үй салу қарқыны биыл да бәсеңдемегенін айтты.
2425 рет оқылды
