Жұма күні АҚШ-та мұнай қоры туралы мәліметтер әлемдегі ірі мұнай тұтынушының сұранысы төмендегенін көрсеткеннен кейін баға төмендеді, ал Вашингтон мен Бейжің арасындағы шиеленістің өршуі әлемдік қаржы нарығына қысым көрсетті, деп хабарлайды "Ұлт ақпарат" Investing.com-ға сілтеме жасап.
Brent маркалы мұнай фьючерстері 0,99%-ға дейін – баррелі $34,94, WTI маркалы мұнай бағасы - 1,07%-ға баррелі $33,35 түсті.
Энергетикалық ақпарат басқармасының бейсенбі күнгі мәліметтері АҚШ-тағы мұнай қоры мен дистилляттарының өткен аптада бірден өскенін көрсетті. Кейбір штаттар коронавирус пандемиясына байланысты қозғалысқа шектеу қойса да сұраныс төмен болып отыр, деп хабарлады талдаушылар.
Сауд Арабиясы мен ОПЕК-ке мүше кейбір елдер мамыр және маусым айларында қолданыстағы мұнай өндіру квоталарын 2020 жылдың соңына дейін ұзарту мүмкіндігін талқылауда, алайда ОПЕК+ - Ресей пактісі бойынша серіктестен қолдау алған жоқ, деп хабарлады Рейтер ОПЕК+ дереккөздері.
1489 рет оқылды
_140_110.jpg)
