Елде туризмді дамытуға бөлінген ақша «Мисс Қазақстан» байқауын өткізуге жұмсалған. Бұл туралы Есеп комитетінің мүшесі Талғат Жақан айтты, деп хабарлайды "Астана" арнасы.
Туристік инвестициялық форум ұйымдастырып, 5 меморандум бекітуге бөлінген 75 млн теңге сұлулық сайысының тек іріктеу кезеңіне кеткен. Тіпті, 2017 жылы өткен «ЭКСПО» көрмесі де билік жоспарлағандай- елге туристер тарта алмады. Шартарапқа саяхаттап шығатын туристер саны келетіндерден 1,5 есеге көп. Жыл сайын тұрғындар өз елімізде емес, шетелде демалуға 2,7 млрд теңге жұмсайды.
"Бұл Туризм индустриясы комитетінің қаражатты дұрыс ұйымдастырмағаны салдарынан болған. Елдің туристік әлеуетін арттырып, шетелдік және отандық инвесторлардың, барлығы 250 адамның қатысуымен өтуі тиіс форумдар болмаған. Оның орнына туризмге қатысы жоқ «Мисс Қазақстан» байқауының іріктеуін ұйымдастырған", - дейді Республикалық бюджеттің атқарылуын бақылау жөніндегі есеп комитетінің мүшесі Талғат Жақан.
4466 рет оқылды
