Сауда және интеграция министрі Бақыт Сұлтанов Қазақстанның ішкі сауда-саттығының негізгі үш проблемасын атады, деп хабарлайды "Ұлт ақпарат".
«Мәселен, ішкі саудада бүгінгі күні үш түйінді проблема бар. Бұл саланың тиімді дамуына кедергі келтіретін 3 тапшылық: біріншісі - заманауи сауда форматтарының аздығы, екіншісі - сауда алаңдарының жетіспеушілігі, үшіншісі - тиімді қойма орындарының шектеулігі. Осы проблемалар делдалдардың қыруар және күңгірт желісінің қалыптасуына алып келеді», - деді министр Үкімет отырысында.
Министрдің айтуынша бұл проблемалар тауарды өндірушіден тұтынушыға дейін оңтайлы тізбек бойынша жеткізуге мүмкіндік бермейді.
«Осының салдарынан бүгін де біз азық-түлік бағасының негізсіз өсіп отырғанын және халықтың оларды сатып алуға айтарлықтай шығын жұмсайтынын байқаймыз», - деді ол.
Еске сала кетсек бүгін Үкімет сауданы дамытудың мемлекеттік бағдарламасының 2021-2025 жылдарға арналған тұжырымдамасын бекіткен болатын.
957 рет оқылды
_140_110.jpg)
