Танымал әнші Димаш Құдайберген Токио Олимпиадасында жүлде алған қазақстандық спортшыларды жеңісімен құттықтады, деп хабарлайды "Ұлт ақпарат".
«Жеңістеріңіз үшін үлкен рахмет, бауырлар! Елдің намысы үшін тырысып, еңбекпен әкелген қола жүлделеріңіз, мен үшін алтыннан кем емес! Алла қаласа бұдан да үлкен шыңдарды бағындыруға нәсіп етсін!», - деп жазды Димаш Instagram парақшасында.
Бұған дейін Токио-2020 жазғы Олимпиада ойындарына шолу жасаған болатынбыз. Аталған бәсекеде Қазақстан атынан 97 спортшы бәсекенің 28 түрінен бақ сынады. Нәтижесінде ел құрамасы 8 қола медальмен 83-ші орынға тұрақтады.
2319 рет оқылды
