UEFA Конференция лигасы үшінші іріктеу сатысында қостанайлық «Тобыл» сырт алаңда Словакияның «Жилина» командасына жол берді, деп хабарлайды "Ұлт ақпарат".
Екі команда арасындағы алғашқы кездесуде қостанайлық клуб елордада 0:1 есебімен жол берген еді.
Ал бүгінгі кездесуде «Жилина» 5:0 есебімен жеңіске жетіп, басымдығын арттыра түсті. Ойын барысында олардың қатарынан Давид Дюриш 14, Матуш Руснак 41, Ваган Бичахчян 64, Тибор Слебодник 81-минуттарда мергендік танытса, Ваган Бичахчян 91-минутта қорытынды есепті белгіледі.
Еске салсақ, бүгін Еуропа лигасы үшінші іріктеу сатысында Алматының «Қайраты» сырт алаңда Арменияның «Алашкертіне» жол беріп, енді Конференция лигасы плей-офф сатысында ойын көрсететін болды.
Ал Конференция лигасы үшінші іріктеу сатысында «Астана» өз алаңында Финляндияның КуПС клубына жол берсе, Қарағандының «Шахтері» Украинаның «Колосын» қапы қалдырып кетті.
1600 рет оқылды
