UEFA Конференция лигасының үшінші іріктеу сатысында қазақстандық «Шахтер» сырт алаңда Украинаның «Колос» (Ковалевка) командасымен кездесті, деп хабарлайды "Ұлт ақпарат".
Бүгінгі кездесуде екі команда тарысты ойын өткізді. Бірінші кезеңнің бастапқы уақытында негізінен украиндық футболшылар шабуылға көп көңіл бөлді. Ал, екінші жартысында қазақстандық команда гол соғатын бірнеше мүмкіндікті мүлт жіберіп алды.
Екінші кезеңде де футболшылар гол соғуға тырысып, бір-бірінің қақпасының маңында жиі бой көрсетті. Десе де соққылар көздеген нысанаға дәл жетпей жатты. Сөйтіп, қос клуб 0:0 есебімен тең тарқасты.
Қарымта ойын 10 тамызда елордада өтеді.
Еске салсақ, бұдан бұрын елордалық «Астана» сырт алаңда Финляндияның КуПС командасымен 1:1 есебімен тең түссе, Қостанайдың «Тобылы» елордада Словакияның «Жилина» командасына 0:1 есебімен жеңілді.
Сондай-ақ, Алматының «Қайраты» өз алаңында Арменияның «Алашкертімен» 0:0 есебімен тең ойнады.
1175 рет оқылды
