Елордада шайбалы хоккейден ҚР Президенті кубогының екінші ойын күні аяқталды, деп хабарлайды "Ұлт ақпарат".
Елордалық «Барыс» екінші ойынын Қытайдың «Куньлунь Ред Стар» командасына қарсы өткізді. Ойын барысында қазақстандық клубтың басымдығы байқалып тұрды.
Бірінші кезеңнің 5-минутында елордалық клубтан Мэтт Фрэттин есеп ашты. Одан кейін Кирилл Савицкий 32, Коди Куник 33, Никита Михайлис 34-минутта «Барыстың» басымдығын арттыра түсті.
Ал «Куньлунь Ред Стар» ойыншылары Паркер Фу 39, Грег Сквайрз 54-минуттарда гол соғып, есеп айырмасын қысқартқан еді.
Ойынның 56-минутында Роман Старченко қорытынды есепті белгіледі.
Нәтижесінде «Барыс» қарсыласынан 6:2 есебімен басым түсті.
Сондай-ақ, бүгін Қарағандының «Сарыарқасы» Өскеменнің «Торпедосын» 2:1 есебімен жеңді.
Алғашқы турда «Барыс» «Сарыарқаға», «Торпедо» «Куньлунь Ред Старға» 3:4 есебімен есе жіберген еді.
Айта кетейік, аталған турнир 15 тамызда мәресіне жетеді. Енді 14 тамызда «Барыс» пен «Торпедо», «Сарыарқа» мен «Куньлунь Ред Стар» командалары шеберлік байқасады.
Командалар іріктеу сатысында бір-бір ойыннан өткізеді. Одан кейін алғашқы екі орындағы ұжымдар жарыстың финалдық сатысына шықса, қалған екеуі үшінші орын үшін сайысқа түседі.
1018 рет оқылды
