Каратеші Софья Берульцева Токио Олимпиадасындағы жеңісті жолын жалғастыруда. Ол үшінші кездесуден соң мерзімінен бұрын жартылай финалға шықты, деп хабарлайды "Ұлт ақпарат" Olympic.kz-ке сілтеме жасап.
Әйелдер арасында 61 келіден жоғары салмақта сынға түсіп жатқан отандасымыз екінші кездесуінде Еуропа ойындарының жеңімпазы, Италия спортшысы Сильвия Семерароны 5:1 есебімен ұтты.
Кейін түрік спортшысымен тең түсіп, үшінші жекпе-жекте әзірбайжандық Ирина Зарецкаядан 5:4 есебімен басым түсті. Осылайша, 5 ұпаймен мерзімінен бұрын жартылай финалға жолдама алды. Бұл кем дегенде қола жүлде қоржында екенін білдіреді.
Жартылай финал елорда уақытымен 16:20-де өтеді.
1221 рет оқылды
