26 нау, 2024 сағат 10:30

Қазақстандық екі МӨЗ-ді жекешелендіру туралы ақпарат жалған - "ҚазМұнайГаз"

Фото: ҚМГ баспасөз қызметі

"ҚазМұнайГаз" ҰК" АҚ басқарма төрағасының орынбасары Дмитрий Макеев қазақстандық екі мұнай өңдеу зауытын жекешелендіру жоспарланған деген ақпаратты жоққа шығарды, - деп хабарлайды «Ұлт ақпарат» Tengrinews.kzке сілтеме жасап.

"Бүгін әлеуметтік желілерде және кейбір БАҚ-та Атырау және Павлодар мұнай-химия зауыттарын жекешелендіру жоспарланып отыр деген ақпарат тарады. Бұл ақпараттың шындыққа жанаспайтынын ресми түрде мәлімдегім келеді. Мұндай келіссөздер жүргізілген жоқ. ҚМГ мұнай өңдеу зауытындағы барлық өндірістік процестер қалыпты жағдайда жүріп жатыр", - деді ол ҚМГ telegram-арнасында.

Еске салайық, кейбір БАҚ алдағы екі жылда екі мұнай өңдеу зауытын жекешелендіру туралы шешім "Экономиканы ырықтандыру шаралары туралы" ҚР Президентінің жарлығы жобасында қамтылғанын және қазіргі уақытта мемлекеттік органдарда келісу рәсімінен өтіп жатқанын хабарлаған болатын.