Фото: Pexels.com
Бас прокуратураның Құқықтық статистика және арнайы есепке алу жөніндегі комитетінің деректеріне сәйкес, 2025 жылдың алғашқы жартыжылдығында елімізде 15 698 жол-көлік оқиғасы тіркелді, деп хабарлайды Ult.kz.
Бұл өткен жылдың сәйкес кезеңімен салыстырғанда 54 пайызға көп. Апаттардан 22 346 адам зардап шегіп, олардың 955-і қаза тапты.
Жол апаттарының көбі республикалық маңызы бар тас жолдарда болған — 1 401 оқиға. Нәтижесінде 3 146 адам ауыр жарақат алып, 2 791 адам жеңіл жараланды, 355 адам көз жұмды.
Ең көп жол апаты тіркелген өңірлер:
-
Алматы облысы – 404 оқиға
-
Ақмола облысы – 126
-
Жамбыл облысы – 121
ЖКО-ға кінәлілер арасында мыналар басым:
-
Жеңіл көлік жүргізушілері – 12 046
-
Автобус жүргізушілері – 520
-
Мопед – 438
-
Жүк көлігі – 390
-
Жаяу жүргіншілер – 428
-
Велосипедшілер – 114
-
Электросамокат – 48
-
Шағын электр көлігі – 58
Балалар арасындағы жарақаттану дерегі де алаңдатарлық: 2024 жылмен салыстырғанда жараланған балалар саны 74,3%-ға өсіп, 3185-тен 5552-ге жетті. Қайтыс болғандар саны 126-дан 135-ке артты. Көп жағдайда бұл Түркістан (27), Алматы (17), Жамбыл (9) және Жетісу (9) облыстарында орын алған.
Бас прокуратура азаматтарды жол қозғалысы ережелерін мүлтіксіз сақтауға, сақтықты күшейтуге шақырды. Жолдағы әрбір салғырттық — адам өміріне тікелей қауіп.
