Фото: Pixabay.com
Қазақстанның бас мүфтиі Наурызбай қажы Тағанұлы үкіметтің кулуарында Қазақстанда никаб киюге тыйым салу мүмкіндігі туралы пікір білдірді.
"Біз, Қазақстан мұсылмандары діни басқармасы, діннің негіздерін насихаттаймыз. Біз никаб - бетті жабатын киім екенін түсінуіміз керек. Шариғат мұндай киім киюді міндеттемейді," - деді Наурызбай қажы Тағанұлы.
Ол Қазақстан мұсылмандары діни басқармасы заң шығарушы орган емес, тек халыққа діннің нормаларын түсіндіретінін атап өтті.
"Заңға келсек, ол өз алдына қабылданады. Біз заңға бағынуға тиіспіз. Шариғат бойынша әрбір кәмелетке толған қыз баласы орамал тағуы керек. Намаз оқитын әрбір қыз баласының құқығы бар: егер ол орамал таққысы келсе - бұл оның құқығы. Біз оның құқығын құрметтеуіміз керек. Егер мектеп оқушысы кәмелетке толса, ол орамал тағады. Бірақ мектеп қабырғасында өз ережелері бар. Білім алу да адамдардың міндеті. Балалар сауатсыз болмауы керек. Бұл пайғамбардың өсиетінде көрсетілген", - деді бас мүфти.
2932 рет оқылды
