Атом энергетикасы жөніндегі халықаралық агенттіктің (МАГАТЭ) Бас конференциясының 64-ші сессиясында ҚР Энергетика министрлігі мен АҚШ Энергетика департаментінің Ядролық қауіпсіздік жөніндегі ұлттық әкімшілігі жоғары байытылған уранды азайту туралы бірлескен мәлімдемеге қол қойды, деп хабарлайды "Ұлт ақпарат".
Ядролық қатерді азайту жөніндегі жаһандық бастама шеңберінде қазіргі уақытта Қазақстанда зерттеу реакторларын конверсиялау жөніндегі жұмыстар жүргізілуде.
«Бұл жұмыстардың негізгі мақсаты жоғары байытылған уранды (ЖБУ) жою арқылы ядролық материалдарды таратпау және зерттеу реакторларын төмен байытылған уран (ТБУ) отынына көшіру болып отыр. Осы жобалар АҚШ ұйымдарымен бірлесіп іске асырылуда, олар күрделі міндетті орындау үшін Қазақстан ұйымдарының ғылыми-техникалық әлеуеті мен құзыреттерінің жоғары деңгейін атап өтті», - деп хабарлайды Энергетика министрлігінен.
Жобаны іске асырудың маңыздылығын ескере отырып, АЭХА Бас конференциясының 64-ші сессиясы шеңберінде ҚР Энергетика министрлігі мен АҚШ Энергетика департаментінің Ядролық қауіпсіздік жөніндегі ұлттық әкімшілігі жоғары байытылған уранды азайту туралы бірлескен мәлімдемеге қол қойған.
Тараптар ЖБУ-ды барынша азайту, ядролық қауіпсіздікті қамтамасыз ету және ядролық қаруды таратпау режимін нығайту жөніндегі ортақ мақсаттарды қолдау үшін бірлескен әрекеттерді жалғастыру ниетін растайды.
889 рет оқылды
_140_110.jpg)
