11 жел, 2025 сағат 17:44

Қазақстан ММА құрамасы Азия чемпионатында 11-рет жалпыкомандалық есепте топ жарды

Фото: ұйымдастырушылардан

Ливанның Джуния қаласында өткен ММА бойынша Азия чемпионаты өз мәресіне жетті, деп хабарлайды Ult.kz.

Биылғы IMMAF-2025 біріншілігіне құрлықтың 20 елінен 400-ден аса спортшы қатысып, тартысты дода өтті. Қазақстан құрамасы тағы да жоғары нәтиже көрсетіп, қатарынан 11-рет жалпыкомандалық есепте бірінші орын алды.

Біріккен Қазақстан ММА федерациясының ресми аккредиттелген құрамасы бұл сынға 37 спортшымен қатысып, оның 31-і жүлдемен оралды.

Жасөспірімдер (14–15 жас)

Алтын медаль иегерлері:

Ілияс Бақытжан (52 кг)
Берік Айдын (57 кг)
Темен Жанділда (62 кг)

Жасөспірімдер (16–17 жас)

Чемпиондар:

Мия Горадзе (52,2 кг)
Руслан Қайыржанов (61,2 кг)
Руслан Мамедов (74,8 кг)

Жүлдегерлер:

Карим Нурусов — күміс
Еркебұлан Исламғали — қола
Егор Ященко — қола

Жастар (18–20 жас)

Алтын медаль иегерлері:

Аида Абылаева (52,2 кг)
Камилла Ким (56,7 кг)
Егор Желтов (56,7 кг)
Әлішер Ақбақытов (70,3 кг)
Эмирхан Ораз (74,8 кг)
Дінмұхаммед Қуанғалиев (+97 кг)

Сонымен бірге жастар командасы 2 қола жүлде жеңіп алды.

Ересектер

Азия чемпиондары:

Матильда Бачурина (52,2 кг)
Адэль Махаметова (61,2 кг)
Мөлдір Әшірбекова (74,8 кг)
Димаш Жақсылық (52,2 кг)
Самғат Шабдан (70,3 кг)
Диас Өсер (83,9 кг)

Ересектер құрамасында — 4 күміс және 4 қола медаль.

Жалпы нәтиже

Жасөспірімдер құрама — 3-орын
Жастар командасы — 1-орын
Ересектер командасы — 1-орын

Осылайша, Қазақстан ММА құрамасы Азия чемпионатында 11-рет қатарынан үздік атанып, құрлықтағы көшбасшылығын тағы бір дәлелдеді.

Сонымен қатар, Егор Желтов (Қарағанды) пен Адэль Махаметова (Алматы облысы) — үш дүркін Азия чемпионы, ал Матильда Бачурина (Ақмола облысы) мен Самғат Шабдан (БҚО) — екі дүркін Азия чемпионы атанды.

Айта кетейік, бұдан бұрын Қазақстан құрамасы Грузияда өткен әлем чемпионатында жалпыкомандалық есепте екінші орын алған болатын.