11 қыр, 2024 сағат 16:25

Қазақстан құрамасы V Дүниежүзілік көшпенділер ойындарында тоғызқұмалақтан чемпион атанды

Қазақстан құрамасы V Дүниежүзілік көшпенділер ойындарында тоғызқұмалақтан чемпион атанды, деп хабарлайды "Ұлт Ақпарат".

Астанада өткен V Дүниежүзілік көшпенділер ойындарындағы тоғызқұмалақ сайысы сәтті аяқталып, Қазақстанның спортшылары жоғары нәтиже көрсетті.

41 мемлекеттен келген 114 қатысушы арасынан Қазақстанның ұлттық құрамасы 4 медаль жеңіп алды. Ерлер арасында Бексұлтан Бостандықов чемпион атанса, Ерсұлтан Әуелбай үшінші орынға ие болды. Әйелдер арасында Мөлдір Серікқызы жеңімпаз атанып, Аңсаған Қазанғап күміс жүлдені иеленді. Жалпы командалық есепте Қазақстан бірінші орынға шықты.

Дүниежүзілік көшпенділер ойындары әр екі жыл сайын өтеді, ал биылғы ойындар "Ұлы даладағы кездесу" ұранымен ұйымдастырылды. Ойындарға әлемнің 89 мемлекетінен екі мыңнан астам спортшы қатысып, 21 спорт түрі бойынша жарысуда.