© Photo : Facebook (запрещено в РФ) / Caspian Seal Research and Rehabilitation Center
Каспий жағалауына 27 итбалықтың өлексесі шығып қалды. Наурыз айынан бері өлі күйде табылған теңіз сүтқоректілерінің саны 200-ден асты, деп хабарлайды «Ұлт ақпарат» 24.kz-ке сілтеме жасап.
Ғалымдар кейбірінің азу тісі мен ішкі ағзасынан сынамалар алды. Теңіз суының құрамы да зертханада тексеріледі. Алдын ала болжам бойынша, олардың өліміне теңізде болған күшті дауыл себеп болуы ықтимал.
Түпқараған ауданында жағажайды зерттеу жұмыстары әлі жалғасып жатыр.
"Итбалықтардың жағаға шығып қалуы жылда қайталанатын құбылыс. Теңіз сүтқоректісінің нақты неден өлгенін білу әзірге мүмкін емес. Әсіресе мұндай жайт көктем мезгілінде жиі болады. Өлі итбалықтар теңізде бірнеше ай қалқып жүруі мүмкін. Толқын жағаға шығарып тастаған сәтте, өлекседен сынама алу қиынға соғады", - дейді гидробиология және экология институтының ғылыми қызметкері Әсел Баймұқанова.
379 рет оқылды
_140_110.jpg)
