Фото: novostiphuketa.ru
Қарағандыдағы түзеу мекемелерінің бірінде сотталушылардың құқы бұзылған. Оқиғаның видеосы әлеуметтік желіде тарады, деп хабарлайды Sputnik Қазақстан.
Қарағанды және Ұлытау облыстық Қылмыстық атқару жүйесі департаментіне қарасты №31 мекемеде тәртіптсіздік болған. Департамент басшысы дерекке қатысты түсініктеме берді.
"Бұл факт бұрын болған. 31-мекемедегі қызметкерлер мен сотталғандар арасындағы заңсыз әрекеттерге қызметтік тергеу жүргізілді. Қызметкерлер жауапқа тартылды. Бұрыс ақпарат таратпау мақсатында құқық қорғау органдары мекемені барып тексерді. Сонымен қатар ҚАЖД басшысы сотталғандардың туыстарымен кездесу өткізді. Қазіргі күні жағдай тұрақты, мекемеде бақылау жүргізіліп тұрады", - дейді департамент бастығы Бекболат Шәкіров.
Әлеуметтік желіде тараған бейнежазбадан сотталушыларды мәжбүрлеп, еден жудырып жатқанын көруге болады.
545 рет оқылды
