Фото: Pyxabay.com
Қарағанды облысының тұрғыны өз балаларын өлтірді деген күдікке ілінді. Сұмдық қылмыс Бұқар жырау ауданына қарасты шағын ауылдардың бірінде болған, - деп хабарлайды Қарағанды облыстық полиция департаменті баспасөз қызметі.
Ведомство таратқан мәліметке сүйенсек, 2 және 4 жастағы балалар зорлық-зомбылық белгілерімен табылған.
Ауыл тұрғындары анасы балаларын тұншықтырып өлтіргенін айтады. Оның мұндай әрекетке не үшін барғаны беймәлім.
Қарағанды облыстық полиция департаментінің баспасөз қызметі оқиғаға қатысты түсініктеме берді.
«4 сәуірде Бұқар жырау ауданындағы елді мекендердің бірінде зорлық-зомбылық белгісі бар 2 және 4 жастағы балалардың мәйіті табылды. Сотқа дейінгі тергеу басталды. Қылмыс жасады деген күдікпен балалардың анасы ұсталды. Ол уақытша ұстау изоляторына қамалды. Сараптама тағайындалды», - деп хабарлады облыстық полиция департаментінің баспасөз қызметі.
Ведомство тергеу мүддесіне сай өзге ақпаратты жариялауға болмайтынын айтты.
727 рет оқылды
