Фото: Ақорда
Президент Қасым-Жомарт Тоқаев Ішкі істер министрі Ержан Сәденовті қабылдады. Кездесу барысында министр еліміздегі криминогендік ахуал туралы есеп беріп, қылмыс деңгейінің төмендегенін атап өтті, деп хабарлайды "Ұлт ақпарат".
Ержан Сәденовтің мәліметінше, 2024 жылдың басынан бастап:
- - Қылмыстық құқық бұзушылықтар саны 4 мыңға, ал жалпы қылмыс саны 7 мыңға азайған;
- - Қоғамдық орындарда және кәмелетке толмағандардың қатысы бар құқық бұзушылықтар төмендеген;
- - Қылмыстардың ашылу көрсеткіші жақсарған.
Сонымен қатар, министр кибер, ұйымдасқан және есірткі қылмыстарына қарсы күрес, жол қауіпсіздігін қамтамасыз ету және кадрлық әлеуетті арттыру бойынша тапсырмалардың орындалу барысын баяндады.
Құқық бұзушылыққа мүлдем төзбеушілік қағидаты
Министр әкімшілік құқық бұзушылықтармен күрес нәтижелері туралы да айтып өтті. Жыл басынан бері:
- - Ұсақ құқық бұзушылықтар үшін жауапқа тартылғандар саны 30%-ға артқан;
- - Жол жүру ережелерін бұзу фактілері 47%-ға өскен;
- - Жүргізуші куәлігінен айырылғандар саны екі есеге көбейген.
Министр қылмыстық-атқару жүйесіндегі жағдайды да баяндап, Президентке құқықтық тәртіп пен қоғамдық қауіпсіздік деңгейін одан әрі күшейту үшін бірқатар ұсыныстарын жеткізді.
Президенттің тапсырмалары
Қасым-Жомарт Тоқаев құқықтық тәртіпті нығайту, қылмыстың алдын алу және қоғамдық қауіпсіздікті арттыру бойынша бірқатар нақты міндеттер қойды.
2634 рет оқылды
