Әйгілі кәсіпқой боксшы Геннадий Головкин Белградта өткен әлем чемпионатында жүлде алған қазақстандық былғары қолғап шеберлерін құттықтады, деп хабарлайды "Ұлт ақпарат".
"Сербияда өткен әлем чемпионатында сәтті өнер көрсеткен қазақстандық боксшылар үшін қуаныштымын. Спортшыларды, жаттықтырушыларды және Кеңес Хамитұлы бастаған федерацияны лайықты нәтижемен құттықтаймын. Алға, Қазақстан!", - деп жазды Головкин Twitter парақшасында.
Ол сондай-ақ боксшыларға Азия ойындарына дайындықта сәттілік тіледі.
Айта кетері, қазақ боксшылары 2021 жылғы әлем чемпионатында екі алтын, екі күміс және бір қола жүлде жеңіп алды. Әлем чемпионатының қорытындысы бойынша бас бапкер Қайрат Сәтжановтың жетекшілігімен команда жалпы жүлде кестесінде екінші орынды иеленді.
Әлем чемпионатында Теміртас Жүсіпов (48 кг) пен Сәкен Бибосынов (51 кг) алтын алды, Махмұд Сабырхан (54 кг) мен Серік Теміржанов (57 кг) күміс, Абылайхан Жүсіпов (67 кг) қола жеңіп алды.
1123 рет оқылды
