Қазақстандық боксшы Геннадий Головкин қазақстандықтарға алғыс айтты, - деп хабарлайды "Ұлт ақпарат".
Сауль Альвареске қарсы жекпе-жектен кейін Головкин Instagram-парақшасында видео жариялады.
"Маған қолдау білдірген барша қазақстандыққа, барша жерлесіме, бокс жанкүйерлеріне, жалпы Қазақстан тұрғындарына үн қатқым келеді. Жекпе-жектерімді көріп жүргендеріңіз үшін, қолдауларыңыз үшін рақмет. Бұл бәрімізді біріктіреді. Мұндай кезде барлық проблеманы ұмытамыз. Қолдауды сезіндім, сәл жетпей қалды. Бұл - менің қателігім, мойындаймын. Мықтырақ болып ораламыз, бәрі жақсы болады", - деді Головкин.
Трилогия 18 қыркүйекте Лас-Вегаста өтіп, Альварес төрешілердің бірауыздан шешімімен жеңген болатын.
1412 рет оқылды
