Еліміздің 21 жасқа дейінгі жастар құрамасы 24 наурызда Қырғызстанмен жолдастық кездесу өткізеді, деп хабарлайды ҚазАқпарат.
Ойын Талғардағы ұлттық құраманың базасында өткізіледі деп жоспарланып отыр.
Айта кетсек, жастар құрамасы 2023 жылғы Еуропа чемпионатының іріктеу турнирінде кезекті ойынына дайындықты 18 наурыз күні бастайды.
Талғарда оқу-жаттығу жиыны өткізіледі.
Қайрат Нұрдәулетов жетекшілік жасайтын құрама Қырғызстан олимпиадалық құрамасымен жолдастық матч өткізуді жоспарлап отыр.
Кездесудің басталуы елорда уақытымен 17:00-ге белгіленген. Екі жақтың келісімі бойынша ойыннан тікелей көрсетілім болмайды.
Айта кетейік, Қазақстан Еуропа чемпионатының іріктеу турнирінде Шотландиямен кездеседі.
Бұл ресми ойын 29 наурызда Алматы қаласындағы орталық стадионда өтеді.
Өткен жылдың 12 қарашасында өткен алғашқы кездесуде Шотландия жастары қазақстандық футболшылардан 2:1 есебімен басым түсті.
Еске салсақ, іріктеу турнирінде Қазақстан жастар құрамасы I тобында сынға түседі. Қарсыластары - Бельгия, Дания, Шотландия және Түркия.
911 рет оқылды
