10 нау, 2022 сағат 22:33

Футбол: Қазақстан ұлттық құрамасының кеңейтілген құрамы жарияланды

Қазақстан құрамасы бас бапкерінің міндетін атқарушы Андрей Карпович оқу-жаттығу жиынына шақырту алған ойыншылар тізімін жариялады, деп хабарлайды ҚазАқпарат.

Қазақстан футбол федерациясы мәлім еткеніндей, Ұлттар лигасының аясында еліміз құрамасы Молдовамен екі ойын өткізеді.

Алғашқы матч 24 наурыз күні өтсе, жауап кездесу 29 наурызда «Астана Аренада» болады.

Осыған орай кеңейтілген құрамға мына футболшылар кірді.

Қақпашылар: Мұхамеджан Сейсен («Тараз»), Стас Покатилов («Ақтөбе»), Игорь Шацкий («Шахтер»);

Қорғаушылар: Ян Вороговский («Моленбек», Бельгия), Ғафуржан Сүйімбаев («Ақсу»), Тимур Досмағамбетов («Шахтер»), Темірлан Ерланов, Юрий Логвиненко (екеуі де – «Ақтөбе»), Нұралы Әліп ( «Зенит», Ресей), Абзал Бейсебеков («Астана»), Самат Жарынбетов, Бағдат Қайыров, Александр Марочкин, Сергей Малый (барлығы – «Тобыл»), Нұрлан Дайыров («Тараз»), Марат Быстров («Ахмат», Ресей);

Жартылай қорғаушылар: Асхат Тағыберген, Владислав Васильев (екеуі де – «Тобыл»), Рамазан Оразов, Арман Кеңесов (екеуі де – «Ақтөбе»), Исламбек Қуат («Астана»), Думан Нәрзілдаев («Каспий»), Айбол Әбікен («Ақсу»), Абылайхан Назымханов («Шахтер»), Бауыржан Байтана («Тараз»), Георгий Жуков («Висла» Краков, Польша), Бақтиер Зайнутдинов (ЦСКА, Ресей), Аслан Әділ («Каспий»);

Шабуылшылар: Артур Шушеначев («Қайрат»), Абат Айымбетов («Астана»), Алексей Щеткин («Ротор», Ресей), Роман Мұртазаев («Шахтер»), Айбар Жақсылықов («Тобыл»).