Фото: insports.kz
Франция тыңшылық пен кибершабуыл қаупіне байланысты Ресей, Беларусь және басқа елдерден келген жүзге жуық адамға, журналист, физиотерапевт және техникалық қызметкер ретінде Ойындарға қатысуға рұқсат бермеді, деп хабарлайды "Ұлт Ақпарат" inbusiness.kz сайтына сілтеме жасап.
Оның айтуынша, құқық қорғау органдары Олимпиада ойындарына жұмысқа жіберілген 960 мың құжатты тексерген. Нәтижесінде 4340 адам, оның ішінде волонтерлар, стадион жұмысшылары, спорт делегацияларының мүшелері жіберілмеді. Сондай-ақ министр ықтимал барлаушылардың Францияда не істеуді жоспарлағаны туралы пікір білдірді.
"Олар теракт жасау үшін келмеген шығар. Бірақ, олардың барлау мен дәстүрлі тыңшылықтан басқа, кибершабуыл жасау үшін компьютерлік желілерге қол жеткізу мүмкіндігі бар. Біз сақтық қағидасын ұстанамыз", — деді Жеральд Дарманен.
Дарманин Ресейден келген көптеген "журналистерге" кіруге тыйым салынғанына қарамастан, француз билігі "Халықаралық Олимпиада комитетінде" жұмыс істейтін ресейліктерге рұқсат берді деп түсіндірді.
Франция ІІМ басшысы сондай-ақ барлау қызметтері "Терроризмнің радикалдануына жол бермеу" (FSPRT) тізіміне енгізілген 19 адамды және S тізіміне (ел қауіпсіздігіне қауіп төндіретін адамдардың тізімі) 139 адамды анықтағанын айтты.
Жазғы Олимпиада ойындары Парижде 26 шілде мен 11 тамыз аралығында өтеді. Халықаралық Олимпиада комитеті ресейліктерді бейтарап спортшылар ретінде және бірқатар критерийлерге сәйкес Ойындарға қабылдау туралы шешім қабылдады. Бұған жауап ретінде көптеген спорт федерациялары Олимпиадаға бойкот жариялады. Нәтижесінде жарысқа тек 15 ресейлік және 16 беларусь спортшысы қатысады. Олар бейтарап мәртебеде өнер көрсетеді.
1208 рет оқылды
