Қазақстанның Украинадағы елшілігі Одесса және Харьков облыстарындағы шиеленістің күшеюіне және тұрақсыз жағдайға байланысты қазақстандықтарға аталған аймақтардан кетуді ұсынады.
Бұл туралы ақпарат елшіліктің Telegram арнасында жарияланды.
"Украинадан Қазақстанға бару үшін Қазақстан Республикасының азаматтары Польша немесе Молдова арқылы өтетін екі жерүсті бағытты, сонымен қатар коммерциялық рейстерді пайдалана алатынын атап өтеміз. Польша арқылы кеткен жағдайда қазақстандықтарда шенген визасы болуы керек, Молдоваға кіру үшін виза қажет емес", - делінген хабарламада.
Сондай-ақ елшілік азаматтарды әуе шабуылы туралы ескертулерге мән беруге және дереу қауіпсіз жерді паналауға шақырды.
Қазақстанның Украинадағы елшілігі Қазақстан азаматтары үшін жедел телефон нөмірлерін жариялады:
Елшіліктің консулдық бөлімінің байланыс телефондары: +38(044) 4831596, +38(044) 4891031
Қазақстан азаматтарына арналған сенім телефоны (төтенше жағдайда): +380673470408
1505 рет оқылды
