Ішімдіктің әсерінен елдің мазасын алып, ауладағы көліктерге зақым келтірген астаналық жастар ұсталды, деп хабарлайды "Ұлт ақпарат".
Нұр-Сұлтан қаласының сақшылары әлеуметтік желіге мониторинг жүргізу барысында түнгі сағат 03:30-да Петров көшесіндегі үйдің ауласында жастар төбелес шығарып, кейін олардың бірі тұрақта тұрған автокөліктердің төбесіне шығып, ойран салғанын анықтады.
«Тәртіп бұзғандардың бәрі анықталып, полицияға жеткізілді. Олар ұсақ бұзақылық үшін, мас күйінде қоғамдық орынға шыққаны және түнгі тыныштықты бұзғаны үшін жауапкершілікке тартылды. Бүлінген автокөлік иелері өздеріне келген шығын көлемін анықтап жатыр», - дейді Нұр-Сұлтан қаласы «Алматы» аудандық полиция бөлімінің бастығы Дастан Қалиев.
1433 рет оқылды
