Қазақстанның бірінші, әлемнің 16-ракеткасы Елена Рыбакина Ролан Гаррос турнирінің екінші айналымына шықты, деп хабарлайды ҚазАқпарат.
Қазақстандық теннисші алғашқы кездесуін дүниежүзілік рейтингте 78-орында тұрған нидерландылық Аранча Руспен өткізді.
Осыған дейін екеуі өзара бір рет ойнап, онда тәжіибелі Рус басым түскен еді.
Бұл жолы Елена Рыбакина матчты қарқынды бастады - 6:1.
Дегенмен екінші сетте нидерландылық спортшы есе қайырды - 7:5.
Үшінші, шешуші партияда қазақстандық теннисші таразы басын аудара білді - 6:2.
Екі сағат 20 минутқа созылған тартысты бәсеке барысында Е.Рыбакина 3 эйспен бірге 14 брейк-пойнттың тең жартысын пайдаланды. Қарсыласы 3 брейкке қол жеткізді.
Е.Рыбакина екінші айналымда әлемнің 135-ракеткасы, америкалық Кэти Волынецпен шеберлік байқасады.
Өткен жылы Е.Рыбакина Франция ашық чемпионатында ширек финалға дейін жетіп, онда кейін финалист атанған ресейлік Анастасия Павлюченковаға жол берген еді.
845 рет оқылды
