Фото: Мәдениет және ақпарат министрлігі
Мұхамеджан Дүзенов (1924–1979) - 18 қазанда қазіргі Қостанай облысының Жангелдин ауданында туған. 1942 жылы Амангелді орта мектебін бітірген. 1947 жылы Қостанай қаласына барып, облыстық газетке қызметке тұрған.
Қаламгер 1952 жылы М.Горький атындағы Әдебиет институтын тамамдаған соң Қазақ радиосында істеген. Абай атындағы академиялық опера және балет театрының әдебиет бөлімін басқарған, Қостанай облыстық газетінің меншікті тілшісі, мәдениет бөлімінің меңгерушісі болған.
Мұхамеджан Дүзеновтің алғашқы өлеңдері мен әңгімелері 1949 жылдан баспа бетінде жарық көре бастады. Бірнеше повесть, роман кітаптары, драмалық шығармалары дүниеге келді. Бір актілі пьесалар конкурсында «Аралдың алтын балығы» атты туындысы екінші бәйге алды.
Бұдан бөлек қаламгер В.Васильевскаяның «Пламя на болотах» романын, С.Маршактың «Умные вещи» пьесасы, Л.Кассильдің «Ход белой королевы» туындысын қазақшаға аударған.
3979 рет оқылды
