Фото: Қызылорда облыстық полиция департаменті
Қызылорда қаласында полицияға мектепте жарылғыш құрылғы қойылғаны туралы хабарлама келіп түскен. Қазір ғимараттан адамдар эвакуацияланып, мектеп тексеріліп жатыр, деп хабарлайды «Ұлт ақпарат» Қызылорда облыстық полиция департаментіне сілтеме жасап.
Оқиға, бүгін 10 сәуірде болды. Полицияға Қызылорда қаласындағы мектептердің бірінде жарылғыш құрылғы салынғаны туралы хабарлама келген.
«Оқиға орнына шұғыл түрде жедел қызметтер жетті. Ғимараттан адамдар эвакуацияланып, тексерілуде. Департамент қылмыстық құқық бұзушылық болып саналатын терроризм актісі туралы жалған хабар бергені үшін жауапкершілік туралы ескертеді. Ол үшін ҚР Қылмыстық кодексінің 273-бабында (Терроризм актiсi туралы көрiнеу жалған хабарлау) жаза көзделген. Осы бап бойынша 5 жылға дейін бас бостандығынан айыру жазасы қарастырылған», - деп мәлім етті Қызылорда облыстық полиция департаментінен.
Еске салсақ, биыл Қызылорда облысында 177 жер учаскесі мемлекет меншігіне қайтарылды.
561 рет оқылды
