Иордания астанасы Амман қаласында өтіп жатқан бокстан Азия чемпионатында Қазақстан әйелдер құрамасы медаль саны жөнінен екінші орынға ие болды, деп хабарлайды ҚазАқпарат.
Қазақстандық қыздар 3 алтын, 1 күміс және 5 қола жүлдемен марапатталды.
Алуа Балқыбекова (48 кг), Жайна Шекербекова (54 кг) және Карина Ибрагимова (57 кг) алтын алса, Гүлсая Ержан (81 кг) күміспен күптелді.
Сондай-ақ Назым Қызайбай (50 кг), Жазира Орақбаева (52 кг), Мәдина Нұршаева (66 кг), Дариға Шәкімова (70 кг) және Ләззат Күнгейбаева (+81 кг) қола медальді қанағат тұтты.
Медальдар жөнінен Үндістан қыздары көш бастаса, жапониялықтар үздік үштікті түйіндеді.
Әйелдер арасында 2022 жылғы Азия чемпионатының медальдар есебі:
1. Үндістан — 4-1-2
2. Қазақстан — 3-1-5
3. Жапония — 1-4-0
4. Оңтүстік Корея — 1-1-4
5. Өзбекстан — 1-1-1
6. Тайвань — 1-0-2
7. Вьетнам — 1-0-1
8. Таиланд — 0-2-1
9. Моңғолия — 0-1-4
10. Иордания — 0-1-1
11. Филиппин — 0-0-2.
Медаль бәсекесі ертең ерлер арасында өтетін финалдық жекпе-жектерде де қыза түседі. Мұнда қазақстандықтардың негізгі қарсыластары өзбекстандықтар болмақ. Финалға Қазақстаннан тоғыз, Өзбекстаннан жеті боксшы жолдама алса, солардың бесеуі өзара мықтыны анықтайды.
1622 рет оқылды
