Бокстан Белградта өтіп жатқан әлем чемпионатында Қазақстан құрамасының қоржынына алғашқы алтын түсті, деп хабарлайды "Ұлт ақпарат".
48 келіде жұдырықтасқан Теміртас Жүсіпов финалда таиландық Вуттичай Юрачаймен жұдырықтасты.
Бірінші раунд қазақстандық боксшысының басымдығымен өтіп, төрешілер 3:2 есебін тіркеді. Екінші раундта олар түгелдей Теміртастың жеңгенін мойындады. Ал, үшінші кезеңде отандасымыз қарсыласын нокдаунға жіберіп, өзінің мықтылығын дәлелдей түсті.
Осылайша, Жүсіпов 5:0 есебімен жеңіске жетті.
Теміртас салқынқандылығынан танбай, таиландтық боксшыға артық соққы жұмсатпай, үш раундты да бір деммен өткізді.
Айта кетелік, қазақстандық боксшы бұған дейін әлем чемпионаттарында жүлде алмаған. Ол - Азия чемпионы, әскерилер арасындағы әлем чемпионы және Қазақстанның бес дүркін чемпионы.
Теміртас әлем чемпионы атағын 33 жасында жеңіп алып отыр.
2351 рет оқылды
