Белградта өтіп жатқан бокстан әлем чемпионатында қазақстандық Асланбек Шымбергенов кезекті рет жеңіске жетті, деп хабарлайды "Ұлт ақпарат".
71 келі салмақта бақ сынаған Шымбергенов 1/8 финалда Германия өкілі Магомед Шахидовпен жұдырықтасқан болатын. Бұл - Асланбектің үшінші жекпе-жегі.
Екі раунд қорытындысы бойынша төрешілер жеңісті отандасымызға берді. Ал үшінші раундтың аяқталуына 53 секунд қалғанда Шымбергенов қарсыласын нокдаунға жіберіп, жекпе-жек мерзімінен бұрын аяқталды.
Айта кетелік, чемпионат барысында Асланбек Шымбергенов Рио Олимпиадасының күміс жүлдегері, өзбекстандық Шахрам Гиясовтан да басым түскен еді.
1998 рет оқылды
