03 мау, 2021 сағат 09:35

Бибісара Асаубаева жылдам шахматтан әйелдер чемпионатына жолдама алды

Қазақ шахматшысы, әйелдер арасындағы халықаралық гроссмейстер Бибісара Асаубаева жылдам шахматтан әйелдер чемпионатына (Women's Speed Chess Championship) жолдама алды, деп хабарлайды "Ұлт ақпарат" Мәдениет және спорт министрлігіне сілтеме жасап.

Жылдам шахматтан әлем чемпионаты – кіл мықтылар қатысатын және онлайн форматта өтетін осы жылдың басты бәсекесі.

28 мамырда басталған іріктеу кезеңі 6 маусымға дейін жалғасады. Ал негізгі бәсеке 10 маусымда басталып, 3 шілдеде аяқталады. Чемпионаттың жүлде қоры 66 000 АҚШ доллары.

IM Бибісара Асаубаева үшінші мүмкіндігінде жолдамаға ие болды. Отандасымыз алдыңғы чемпионаттарда плей-оффтан ары аса алмаған.

Әр іріктеу кезеңі 21 айналымнан тұратын швейцариялық жүйе бойынша (уақытты бақылау 1+1) және сегіз жеңімпаздың арасында өтетін нокауттан тұрады. Келесі іріктеу жарысы бүгін 3 маусымда басталады.

Айта кетейік, чемпионат 16 шахматшының арасында өтеді. Ертерек жолдама алған сегіз шахматшы арнайы шақырылған сегіз ойыншымен кездеседі. Шақырту алғандар: GM Хампи Конеру (Үндістан), GM Александра Костенюк (Ресей), GM Антоанета Стефанова (Болгария), GM Анна Музычук (Украина), GM Ирина Круш (АҚШ), GM Катерина Лагно (Ресей), GM Лэй Тинцзе (Қытай).

Жанкүйерлер ФИДЕ әйелдер чемпионатын Chess.com/TV және Twitch Chess.comарнасынан сарапшылардың түсіндірмесі арқылы тамашалай алады. IDE Chess.com әйелдер чемпионатының толық кестесін мына сілтемеден көруге болады.