Фото: Olympik.kz
Қытайда өтіп жатқан қысқы Азия ойындарының 4-жарыс күні аяқталды. Спортшыларымыз ел қоржынын тағы 2 медальмен толықтырды. Сондай-ақ хоккейден ерлер құрамасы плей-офф кезеңіне сәтті өтті, деп хабарлайды Ult.kz.
Қазақстан құрамасы жалпы 10 медаль жеңіп алды: 2 алтын, 5 күміс және 3 қола. Жалпы командалық есепте Қазақстан 4-орында тұр.
Медальдар саны бойынша бірінші орында Қытай құрамасы, екінші орында Оңтүстік Корея, үшінші орында Жапония орналасқан.
Қазақстан құрамасы келесі спорт түрлері бойынша медальдар жеңіп алды:
Алтын медаль:
- Шорт-трек (5000 метрлік эстафета, ерлер): Команда құрамында Денис Никиша, Абзал Әжғалиев, Әділ Ғалиахметов, Глеб Ивченко, Мерсаид Жақсыбаев және Айбек Насен өнер көрсетті.
- Фристайл-акробатика (ерлер құрамасы): Команда құрамында Шерзод Хаширбаев пен Роман Иванов алтын медальға ие болды.
Күміс медальдар:
-
Шорт-трек (2000 метрлік аралас эстафета): Денис Никиша, Әділ Ғалиахметов, Яна Хан және Малика Ермек қатысып, екінші орын алды.
-
Шорт-трек (3000 метрлік эстафета, әйелдер): Ольга Тихонова, Малика Ермек, Алина Әжғалиева және Яна Хан күміс жүлдеге ие болды.
-
Фристайл-акробатика (аралас командалық сайыс): Аяна Жолдас, Шерзод Хаширбаев және Асылхан Асан құрамасы күміс медаль алды.
-
Конькимен жүгіру (100 метр, ерлер): Евгений Кошкин күміс жүлдеге қол жеткізді.
Қола медальдар:
-
Фристайл-акробатика (жеке сайыс, әйелдер): Аяна Жолдас қола медаль иеленді.
-
Шаңғы жарысы (10 шақырым, ерлер): Олжас Климин үшінші орынға ие болды.
-
Конькимен жүгіру (командалық спринт, әйелдер): Надежда Морозова, Кристина Силаева және Дарья Важенина қола жүлдеге қол жеткізді.
Осылайша, Қазақстан құрамасы жалпы 10 медаль (2 алтын, 5 күміс, 3 қола) жеңіп алды.
3375 рет оқылды
