Қазақстандық ауыратлет Айзада Мүптілда Азия чемпионы атанды, - деп хабарлайды "Ұлт ақпарат".
Отандасымыз Бахрейн астанасы - Манама қаласында өтіп жатқан құрлықтық додада әйелдер арасында 87 келі салмақта сынға түсті. Қос сайыстың қорытындысы бойынша ол 277 келіні (жұлқуда - 120, серпуде - 157 келі) бағындырып, Азия чемпионы атанды.
Бұл салмақта қола медаль тағы бір қазақстандық Любовь Ковальчукке бұйырды.
Еске салайық, бұдан бұрын ел құрамасынан Зүлфия Чиншанло мен Асылжан Бектай чемпион атанған болатын.
1845 рет оқылды
