Фото:”Қайрат” фк
Қазақстан Суперкубогінен кейін «Қайрат» клубының дәрігері Д.Тұрәлиев әуежайда даудың ортасына түсті. Нұрсұлтан Назарбаев халықаралық әуежайында ішкі рейске тіркелу кезінде ол қауіпсіздік қызметкерінің сұрағына жауап ретінде үстінде жарылғыш зат бар екенін айтып әзілдеді, деп хабарлайды Ult.kz.
Оқиғадан кейін әуежайда қауіпсіздік шаралары дереу күшейтіліп, кинологтар мен полиция қызметкерлері шақырылды. Д.Тұрәлиев бірден ұсталып, рейске жіберілмеді. Мамандар нысанды тексеріп, бекітілген тәртіп бойынша барлық рәсімдерді жүргізді.
Алғашқы тексеріс барысында:
терминалға кинологиялық қызмет мамандары шақырылды;
әуежай аумағына полицияның жедел тобы келді;
жолаушы рейстен түсірілді;
оған қатысты әкімшілік хаттама толтырылды.
Қауіп расталмағанымен, сарапшылар атап өткендей, әуежайдағы жарылғыш затқа қатысты кез келген мәлімдеме, тіпті әзіл болса да, аса қауіпті болып саналады. Мұндай сөздер қауіпсіздік алгоритмінің толық іске қосылуына, рейстердің кешігуіне және қосымша күштердің жұмылдырылуына себеп болады.
Құзырлы органдар әуе көлігі нысандарында тәртіп пен қауіпсіздік талаптарын қатаң сақтау керектігін тағы да еске салды. Заңға қайшы әрекеттер міндетті түрде құқықтық жауапкершілікке әкеледі.
_140_110.png)
_140_110.webp)
