6 маусымдағы жағдай бойынша Астананың балаларға арналған жұқпалы аурулар мекемесінде менингитпен екі бала жатыр. Бұл туралы аурухананың бас дәрігері Сәуле Нұрашева айтты, - деп хабарлайды "Ұлт ақпарат".
"Ауруханаға 29 мамырда түскен бірінші баланың жағдайы жақсы, бала анасымен, қажетті ем алып жатыр. Ал 4 маусымда түскен балаға диагноз қойылды: менингококк инфекциясы. Жағдайы тұрақты, ем алып жатыр", - деді дәрігер.
Еске сала кетейік, 4 маусымда Астанада екі жасар бала менингококк инфекциясын жұқтырды деген күдікпен ауруханаға жатқызылған болатын. "Ұл бала, 2 жыл 1 айлық, менингококк инфекциясын жұқтырды деген күдікпен ауруханаға түсті. Сараптама нәтижелерін күтіп отырмыз. Денесінде бөртпелер жоқ, бірақ жансақтау бөлімінде жатыр", - деген еді дәрігер.
Айта кетейік, жыл басынан бері елімізде 13 адам менингококк инфекциясынан қайтыс болды.
Мұның алдында денсаулық сақтау министрі Елжан Біртанов менингококк инфекциясына байланысты карантин жарияланбайтынын айтқан еді.
2173 рет оқылды
_140_110.webp)
