Фото: facebook.com/astanapark.kz
Астанада ақылы тұрақтардан бюджетке түскен қаражаттың көлемі жарияланды, деп хабарлайды Sputnik Қазақстан.
"Астана тұрақ кеңістігі" компаниясы таратқан мәліметке сәйкес, қалада ақылы тұрақтар енгізілгелі бері көлік жүргізушілері жасаған төлемдердің жалпы көлемі 450 миллион теңгені құрады.
"Ал 2023 жылда ақылы тұрақ үшін төленген ақының жалпы көлемі 201 миллион теңге болды", - делінген ресми хабарламада.
Астананың 2021-2025 жылдарға арналған әлеуметтік-экономикалық даму болжамына сәйкес, жеке көліктерді пайдалануды барынша азайту және ақылы тұрақтардың санын арттыру жоспарланып отыр. Бүгінде қалада 7 300 ақылы тұрақ орны бар.
Айта кетері, Астанада ақылы тұрақтар таңғы 8:00-ден кешкі 20:00-ге дейін жұмыс істейді. 1 қазаннан бастап демалыс және мереке күндері кезінде де ақы төлеу керек. Ақылы тұраққа көлік қою ережесін бұзған азаматтарға 3 АЕК (9 540 теңге) көлемінде айыппұл салынады.
658 рет оқылды
