Фото:gov.kz
Сыбайлас жемқорлыққа қарсы қызмет Солтүстік Қазақстан облысында бұрын ұсталған Білім басқармасы басшысының қарамағындағы қызметкерге қатысты қайғылы оқиғаға пікір білдірді, - деп хабарлайды Tengrinews.kz сайты.
"Солтүстік Қазақстан облысында Білім басқармасының басшысына қатысты тергеу жүргізіліп жатқаны туралы ақпаратты хабарлаған едік. Оның қарамағындағы қызметкердің Сыбайлас жемқорлыққа қарсы қызмет департаментінде жауап алуға қатысып, кейін өз-өзіне қол жұмсағаны туралы ақпарат жақында ғана пайда болды. Бұл факті бізге де беймәлім", - деді Антикордың ресми өкілі Арман Тілеукенов.
Ол Солтүстік Қазақстан облысы Білім басқармасы басшысының қарамағындағы қызметкердің жауап алуға шын мәнінде куә ретінде қатысқанын түсіндірді.
"Ол тергеуге жан-жақты көмек көрсетті. Оған қатысты процессуалдық мәжбүрлеу шаралары қолданылмады, облыс аумағында емін-еркін жүріп-тұрды. Қазіргі уақытта полиция өзін-өзі өлтіруге дейін жеткізу дерегі бойынша соталды тергеу амалдарын жүргізіп жатыр. Менің ойымша, Қылмыстық кодекстің 105-бабы "Өзін-өзі өлтіруге дейін жеткізу" бойынша бұл сұрақты басқа органға жолдау керек деп ойлаймын", - деп қорытындылады ресми өкіл Антикор Тілеукенов.
399 рет оқылды
