Фото ©️ Tengrinews.kz / Әлихан Сариев
Алматы облысында "Алтын Орда" базарының бұрынғы атқарушы директоры сотталды, - деп хабарлайды "Ұлт ақпарат" Tengrinews.kzке сілтеме жасап.
Алматы облыстық сотының баспасөз қызметі "Алтын Орда" базарының бұрынғы атқарушы директоры Ермек Марқабаевқа қатысты үкім шығарылғанын хабарлады. Оған 296-баптың 4-бөлігі "Есірткі, психотроптық заттармен, сол тектестермен өткізу мақсатынсыз заңсыз жұмыс істеу" бойынша айып тағылды.
Сот мәліметінше, былтыр жазда Алматы - Бішкек тасжолында полиция қызметкерлері артқы жолаушылар орындығында сотталушы отырған автокөлікті тоқтатқан. Жеке тінту кезінде оның ішінде ұнтақ зат бар байлам табылып, тәркіленді. Сот-химиялық сараптама нәтижелері бойынша бұл зат психотропты зат болып шықты - салмағы 1,796 грамм болатын мефедрон.
Прокурор сотталушыны кінәлі деп тауып, 5 жылға бас бостандығынан айыруды сұрады. Сотталушы өз кінәсін мойындамай, айғақ беруден бас тартты.
"Сот жаза тағайындау кезінде сотталушы М.-ның баласының болуын қылмыстық жауаптылық пен жазаны жеңілдететін мән-жай ретінде таныды.
Қылмыстық жауаптылықты немесе жазаны ауырлататын мән-жайлар анықталған жоқ. Сот үкімі бойынша, М., ҚК-нің 296-бабы 4-бөлігінде көзделген қылмыстық құқық бұзушылықты жасағаны үшін кінәлі деп танылып, оған 4 жыл мерзімге бас бостандығынан айыру жазасы тағайындалды", - деп хабарлады соттың баспасөз қызметі.
Еске салайық, Ермек Марқабаев 2023 жылдың маусымда "Алтын Орда" маңында ұсталған болатын. Содан кейін полицейлер тінту кезінде одан ұнтақ пен тапанша табылғанын хабарлады.
882 рет оқылды
_140_110.jpg)
