Алматыда көлікті тұраққа қою ережесін бұзған жүргізуші мен жол патрульдік полиция қызметкерінің арасында жанжал шықты. Осы оқиғаның видеосы әлеуметтік желіде жарияланды, - деп хабарлайды Tengrinews.kz тілшісі.
Алматы ІІД өкілдері оқиғаның 15 қаңтарда 12:30-да Жібек жолы және Қонаев көшелерінің қиылысында болғанын айтады. BMW X5 жүргізушісі, 1985 жылғы ер адам ақылы тұрақтың жанында рұқсат етілмеген жерге көлігін тұраққа қойған, сосын әкімшілік жауапкершілікке тартуға кедергі жасаған.
Видеода ер адамның көлік бір қолында автокөлігінің тіркеу нөмірін ұстап ашуланғаны, полицеймен сөйлесіп, киімінен жұлқып ұстағаны түсірілген. Өз кезегінде полицей жүргізушінің күртесінен ұстаған. Полицейдің "саусақтарыңды бүкпе" дегені естіледі. Сонымен қатар, BMW жүргізушісі эвакуторға да дөрекі сөйлейді.
"Рұқсат етілмеген жерде көлігін тұраққа қойғаны үшін азамат Ф. ҚР Әкімшілік құқық бұзушылық туралы кодексінің 601-бабы 1-бөлігі бойынша 3 АЕК айыппұл төлейді. Ал билік өкіліне бағынбағаны үшін ҚР Әкімшілік құқық бұзушылық туралы кодексінің 443-бабы бойынша әкімшілік жауапкершілікке тартылады", - деді Алматы ІІД ресми өкілі Салтанат Әзірбек.
3202 рет оқылды
