28 жел, 2023 сағат 20:16

Алматыда 8 компания құрылыс лицензиясынан айырылды

Алматыда сапасыз құрылыстарға қатысты 1 мыңнан аса заңбұзушылық анықталды, - деп хабарлайды "Ұлт ақпарат" қала әкімдігінің баспасөз қызметіне сілтеме жасап.

"Биыл жүргізілген жоспардан тыс тексерулер аясында Алматының қала құрылысын бақылау басқармасы 1140 заңбұзушылық анықтап, оларды жоюға 634 ұйғарым берді. Сапасыз құрылыс пен құрылыс-монтаждау жұмыстарын ұйымдастырғаны үшін 68 ұйым, ал тиісінше бақыламағаны үшін 8 техникалық қадағалау ұйымы және 25 техникалық қадағалау сарапшысы аттестатты 6 ай мерзімге тоқтату түріндегі жауапқа тартылды", - делінген хабарламада.

ҚР ӘҚБтК-нің 312-бабы 2-бөлігі бойынша 8 компания құрылыс лицензиясынан айырылған:

"АРТЕМИДА ЛТД" ЖШС;
"ТриА Холдинг" ЖШС;
"Ремстрой" ЖШС;
"ABM Building" ЖШС (лицензияның кіші түрі);
"Debo Stroy" ЖШС (лицензияның кіші түрі);
"ЕДІЛ-СТРОЙ СЕРВИС" ЖШС (лицензияның кіші түрі);
"Ақ Ордасы корпорациясы" ЖШС (лицензияның кіші түрі);
"DP ENGINEERING GROUP" ЖШС (лицензияның кіші түрі).

"Кіші түрлерінен айырылған компанияларға басқарма олардың лицензияларынан толық айыру үшін наразылық енгізгенін атап өткен жөн", - дейді әкімдіктегілер.