«Бізде мемлекеттік кадастр, яғни жердің бағасын анықтаудың жүйесі 2003 жылы, яғни 13 жыл бұрын бекітілген. Ал дамыған елдерде әр 3-5 жылда жердің бағасы жаңартылып отырады. Ал жерді бағалау жүйесінің әдістемесіне келсек, біздің мамандарымыз топырақты зерттеуде өткен ғасырдың 50-ші жылдарындағы әдістемелерді қолданады», - дейді А.Күрішбаев.
Бүгінде ауыл шаруашылығы кәсіпорындары мен шаруа қожалықтарының көбісінде жердің төл құжаттары жоқ екені анықталды. Ауыл шаруашылығы министрлігіне жер мониторингі функциясы берілген. Бірақ оны атқаратын мекеме жоқ. Республика бойынша небары 217 ғана жер инспекторы жұмыс істейді.
«Сондықтан қазір біздің ең басты міндетіміз жер сапасының шынайы жағдайын білу. Жердің сапасын білмей, тиімді жүйе қалыптастыра алмай, реформаны қалай жасаймыз?», - деп атап көрсетті А.Күрішбаев.
Осы орайда ол мараторийді бес жылға ұзарту ұсынысын толығымен қолдайтынын жеткізді.
Айта кетейік, Жер комиссиясы ауыл шаруашылығы жерлерін жалға беру мен сату мәселесі бойынша тиісті ұсыныстарды даярлап, оны Парламент қарауына ұсынады. Осының негізінде нақты шешімдер қабылданады.
2923 рет оқылды_140_110.webp)
