Foto: aikyn.kz
Qazaqstan Ulttyq Banki «Ulttyq qor – balalarǵa» baǵdarlamasy boiynsha 18 jasqa deiingi balalardyń Biryńǵai jinaqtaýshy zeinetaqy qoryndaǵy shottaryna ár balaǵa 129,38 AQSh dollary bólingenin jariialady dep habarlaidy Ult.kz.
Barlyq qatysýshyǵa tólengen jalpy soma – 888,8 mln AQSh dollary. 2024 jyldyń aiaǵynda baǵdarlamaǵa qatysýshy bala sany 6 921 035 boldy.
Esterińizge sala keteiik, «Ulttyq qor – balalarǵa» baǵdarlamasy aiasyndaǵy alǵashqy tólemder 2024 jyly júrgizilgen edi. Ol kezde ár balaǵa 100,52 AQSh dollary bólingen. Bul qarajat – Qazaqstan Respýblikasy Úkimetiniń 18 jasqa tolmaǵan balalarǵa aýdaratyn mindettemesi.
Jyl saiynǵy aýdarym mólsheri Ulttyq qordyń shetel valiýtasyndaǵy aktivterine jáne onyń uzaqmerzimdi investitsiialyq tabysyna bailanysty bolady. Qarajattyń jartysy osy tabystan bólinedi. Sonymen qatar, balalardyń shotyna aýdarylǵan qarajat Ulttyq qordyń investitsiialyq portfelinde saqtalyp, qosymsha tabys ákeledi.
"Baǵdarlama iske qosylǵan eki jyl ishinde ár balaǵa jalpy 232,94 AQSh dollary jinaqtaldy. 2025 jylǵy 31 qańtarda osy aqparatty eGov mobile mobildi qosymshasynan jáne kids.enpf.kz saitynan alýǵa bolady", -delingen habarlamada.
