Qazaqstandyq boksshy Sadriddin Ahmedov (10-0, 9 KO) óziniń kásibi ringtegi kezekti kezdesýin ótkizdi, dep habarlaidy Sports.kz.
Moneralda Ahmedov argentinalyq Hose Vilialobospen (12-5-2, 7 KO) kezdesti. Sadriddin jetinshi raýndta qarsylasyn nokaýtqa jiberip, jeńimpaz atandy.
Qazaqstandyq boksshy qarsylasyn nokaýtqa túsirerdiń aldynda-aq buryshtan-buryshqa qýalap, aýyr soqqynyń astyna alǵan.
Jeńilip kórmegen qazaqstandyq úshin bul 2019 jylǵy 5-shi jekpe-jek bolatyn. Sadriddin olardyń 4-ýin merziminen buryn aiaqtady. Ahmedovtiń osymen kásibi ringte 11 jeńisi bar jáne ol óz jolynan jańylmai keledi. Al Vilialobos úshin bul - altynshy jeńilis.
