Foto: Artem Viktorov/ Kazinform
Shymkent pen Túrkistan oblysy boiynsha qylmystyq-atqarý júiesi departamentine qarasty mekemelerde jazasyn ótep jatqan 675 sottalǵannyń jeke isteri zerdelenip, raqymshylyqqa ilikti.
Shymkent qalasy jáne Túrkistan oblysy boiynsha qylmystyq-atqarý júiesi departamenti usynǵan aqparatqa súiensek, Konstitýtsiianyń 30 jyldyǵyna orai jariialanǵan raqymshylyq keibir sanattaǵy adamdarǵa qoldanylmaidy.
Atap aitqanda:
• sybailas jemqorlyq qylmystar;
• terroristik qylmystar;
• ekstremistik qylmystar jáne ekstremizm belgileri bar qylmystar;
• kámeletke tolmaǵandardyń jynystyq tiispeýshiligine qarsy qylmystar (erekshe jaǵdailardy qospaǵanda);
• azaptaý faktilerin jasaǵandar;
• qylmystyń qaitalanýy nemese qaýipti qaitalanýy kezinde jaza taǵaiyndalǵan;
• ómir boiyna bas bostandyǵynan aiyrý jazasy taǵaiyndalǵandar;
• qylmystyq top, uiymdasqan top, qylmystyq uiym, qylmystyq qoǵamdastyq, transulttyq uiymdasqan top, transulttyq qylmystyq uiym, transulttyq qylmystyq qoǵamdastyq, terroristik top, ekstremistik top, banda nemese zańsyz áskerilendirilgen quralym quramynda qylmystar jasaǵan
• ózderine qatysty jaza oryndalǵan jáne jazasyn ótegen,
• jazasyn óteý barysynda qasaqana qylmys jasaǵandar.
Sonymen qatar, úkimderdiń jiyntyǵyna kiretin jáne osy Zań kúshi qoldanylmaityn qylmystyq quqyqbuzýshylyqtar jasaǵan adamdarǵa da raqymshylyq júrmeidi.
Aita keteiik, budan buryn Túrkistan men Shymkentte 48 adam raqymshylyqpen bostandyqqa shyqqanyn jazǵan bolatynbyz.
